Корпус чувашского языка

Эпӗ ӑна сӑнама шутларӑм, тепре тата иртерех килме картса хутӑм.

Я решил заняться наблюдением и еще раз прийти сюда пораньше.

Пулӑҫӑ-ӳхӗ // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 81–83 с.

Кабарга хӑй йӗрӗ ҫине каллех ҫаврӑнса килессе пӗлнипе эпӗ кӗтме шутларӑм, паллах, ун хыҫҫӑн росомаха та килет ӗнтӗ.

Я знал, что кабарга всегда делает круг по снегу, и ждал, что она вернется на свой след и что по этому же кругу за ней погонится и росомаха.

Кабаргапа росомаха // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 71–74 с.

Шӑнман вырӑна сылтӑм енчен пӑрӑнса иртсе, эпӗ вӑрманлӑ ҫыран патне тухма шутларӑм.

Я взял направление к лесистому берегу с намерением обойти полынью справа.

Хура тилӗ // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 68–70 с.

Ытти стрелоксем ҫак ӗҫсемпе аппаланнӑ вӑхӑтра эпӗ тавралӑха сӑнама шутларӑм.

Пока стрелки возились на биваке, я воспользовался свободным временем и отправился осматривать окрестности.

Уссури пантери // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 23–26 с.

Кӑна курсан, эпӗ кӑвайт патне пыма шутларӑм, анчах пытанса ларнӑ ҫын манран маларах ҫитрӗ.

Тогда я решил подойти к огню, но спрятавшийся опередил меня.

Тайгари каҫ // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 16–22 с.

Вара эп тепӗр еннелле ҫаврӑнтӑм та хӑрушӑ вырӑнтан пӑрӑнса иртме шутларӑм.

Тогда я круто свернул в сторону и пошел в обход опасного места.

Тайгари каҫ // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 16–22 с.

Вара эп, айлӑма анса, май пур чух юханшыв тӑрӑх анаталла утма шутларӑм.

Тогда я решил спуститься в долину и, пока возможно, идти по течению реки.

Тайгари каҫ // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 16–22 с.

Юлашкинчен эпӗ хамӑн ӗмӗте тултаричченех тайга тӑрӑх ҫӳреме шутларӑм.

Я решил до тех пор скитаться по тайге, пока мечта моя не осуществится.

Йӑнӑш курӑннӑ-мӗн… // Александр Галкин. Арсеньев В.К. Тайгари тӗлпулусем: калавсем. — Шупашкар: Чӑваш АССР государство издательстви, 1960. — 178 с. — 11–15 с.

— Ах, тупата, хамах шутларӑм ҫав.

— Ах, тубада, выходит, я не прогадал.

III. Ют хӳте ӑшӑтас ҫук // Илпек Микулайӗ. Илпек Микулайӗ. Хура ҫӑкӑр. Роман. — Шупашкар: Чӑваш кӗнеке издательстви, 1989. — 400 с.

Мана кунта пӗр хӗрача шыв ӑсса килсе пачӗ, эпӗ радиатора кӑшт яратпӑр пулӗ тесе шутларӑм…

Мне тут одна девочка воду принесла, — я думал, может подольем в радиатор…

2 // Михаил Рубцов. Павленко П.А. Ҫеҫенхир хӗвелӗ: повесть. — Шупашкар: Чӑваш АССР государство издательстви, 1952. — 96 с.

— Эп те ҫаплах шутларӑм.

 — Я так и знал.

VI // Степан Апаш. Короленко В.Г. Суккӑр музыкант: повесть. — Шупашкар: Чӑваш АССР государство издательстви, 1957. — 194 с.

— Сирӗн ҫине пӑхса, эпӗ ҫапла шутларӑм: «Вӑт ҫак ҫын манран та чухӑнрах. Эпӗ сывлама пултаратӑп, унӑн вара ҫак тивӗҫлӗх те ҫук», терӗм.

— Потому, что я сказал себе: вот еще более несчастный человек, чем я. Я, по крайней мере, имею право дышать, а он и этого права не имеет.

IV. Ыйткалакан // Михаил Рубцов. Гюго Виктор. Тӑхӑрвун виҫҫӗмӗш ҫул: роман. — Шупашкар: Чӑваш АССР государство издательстви, 1958. — 282 с.

Эпӗ вара манӑн хушамата вӑл хуратса хунӑ пулӗ тесе шутларӑм.

Я и думал, что это он фамилию зачеркнул.

33 сыпӑк // Василий Хударсем. Осеева В.А. Ваҫҫук Трубачевпа унӑн юлташӗсем. Повесть. 1-мӗш кӗнеке. Шупашкар: Чӑвашгосиздат, 1955. — 221 с.

Эпӗ хама хам пӗтнӗ тесе шутларӑм.

Я считал себя погибшим.

XLI сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Эпӗ, пирӗн сулӑ шыв тӗпнелле ӳкет пулӗ тесе шутларӑм, анчах ку йӑнӑш пулчӗ.

Я подумал, что плот проваливается в бездну, но этого не случилось.

XLI сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Ҫавӑншӑн эпӗ ӑна ытла та тимсӗр ҫын тесе шутларӑм.

Я находил, что он чересчур хладнокровен.

XL сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Пысӑк чул сӑмсахӗ ҫинче ҫилӗпе ҫатӑртатакан хаяр Отто Лиденброк, никам чарайми Аякс турӑсене хӑйпе тытӑҫса ҫапӑҫма чӗннӗ пекех курӑнса тӑрать; анчах виҫерен тухса кайнӑ ҫак этемӗн ӑссӑр ҫиллине ҫӑварлӑхлас тӗлӗшпе хамах хутшӑнса калаҫма пӑхсан, вырӑнлӑ пулӗ тесе шутларӑм эпӗ.

Стоя на скале, раздраженный и грозный, Отто Лиденброк, подобно неукротимому Аяксу, казалось, вызывал богов на поединок; но я счел уместным вмешаться, чтобы обуздать дядюшкин порыв бешенства.

XXXVII сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Эпӗ ӑнланаймастӑп, пӗтӗмпех шухӑша кайнӑ пиччерен ыйтма шутларӑм, анчах ӑна чӑрмантарасшӑн мар пулса, каллех исландецран ыйтатӑп.

Я не понимаю; обращаюсь к дядюшке, но дядюшка весь погружен в размышления; я не решаюсь его тревожить, обращаюсь снова к исландцу.

XXXIII сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Шыва кӗрсен маншӑн питӗ усӑллӑ пулӗ тесе шутларӑм та, ик-виҫ минутлӑха ҫав ҫӗр айӗнчи тинӗс шывне кӗрсе чӳхентӗм.

Я решил, что купанье было бы мне весьма полезно, и погрузился на несколько минут в воды этого «Средиземного» моря, получившего название, очевидно, по заслугам!

XXXI сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.

Ҫак шухӑшсем мана ҫӗклентерсех ячӗҫ, вара эпӗ вӑхӑта пӗр минут ҫухатмасӑрах малалла кайма шутларӑм.

Я ободрился и снова двинулся в путь, не теряя ни минуты времени.

XXVI сыпӑк // Куҫма Чулкаҫ. Жюль Верн. Ҫӗр варрине анса курни: роман. — Шупашкар: Чӑвашгосиздат, 1947. — 228 с.