Поиск
Шырав ĕçĕ:
Сахар хӑй сӑмахне каласа пӗтерме те ӗлкӗреймерӗ, Тарьен кӗҫӗн шӑллӗ йыснӑш умне пӗсехине каҫӑртнӑ автан пек сиксе тухрӗ.
Вилӗм // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Хӗр кӑшкӑрма ӗлкӗреймерӗ, йӗкӗт самантрах унӑн ҫӑварне ҫӗтӗк таткипе пӑкӑласа лартрӗ, аллисене каялла ҫавӑрса хучӗ.
Тилӗ ҫӗлӗкӗ // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Урхамах ҫитсе чарӑнма та ӗлкӗреймерӗ — хапха уҫӑлса та кайрӗ.
Ӗҫке-ҫикӗ мыскари // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Нурулла каллех унта ыткӑнчӗ — ӗлкӗреймерӗ: ҫак самантра айван янавар хырӑмӗ шартлатса ҫурӑлни илтӗнчӗ.
Пушар // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Чӑвашсемпе тутарсем хытах хирӗҫме пуҫланӑччӗ, анчах ӗҫ шала кӗрсе кайма ӗлкӗреймерӗ: Казаковпа Степанов килнине курсан, Петр Петрович та ҫухалса каймарӗ, ункӑ варрине утса кӗчӗ те лӑплантарса калаҫрӗ.
Акатуй // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Аслӑк ҫинче ҫӑмарта пухнӑ хыҫҫӑн шӑллӗсем сысна вити чӳречинчен тухмалла вылянине курчӗ-ха Сергей, лавккана ҫын нумай килнипе кайса тӗрӗслеме ҫеҫ ӗлкӗреймерӗ, кайран мансах кайрӗ.
Хӗр чӑрсӑрлӑхӗ // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Вӑл виҫӗ-тӑватӑ утӑм тума ӗлкӗричченех алкум айӗнчен вӑркӑнса тухнӑ кашкӑр ун ҫинелле ыткӑнма тӑчӗ, анчах ӗлкӗреймерӗ — Хрестук аллинчи сенӗк вӗҫӗ ун куҫӗнчен кӗрсе пуҫӗ витӗрех тухрӗ.
Хӗр чӑрсӑрлӑхӗ // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Сергей аттинчен каплаттарса илсе тулама пуҫларӗ, ун урлӑ сиксе каҫасшӑн пулчӗ, анчах ӗлкӗреймерӗ — Чикан ӑна хӳринчен ҫатӑрласа ҫыртрӗ те аялалла сӗтӗрме пуҫларӗ.
Хӗр чӑрсӑрлӑхӗ // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Анчах Хрестук ӑна-кӑна тавҫӑрса илме те ӗлкӗреймерӗ, ун ҫине кил хушшинчи хуп-хура йытӑ сиксе ларчӗ те тулама пуҫларӗ.
«Выҫӑ вилем те… пуҫтарма каймастӑп» // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Анчах вӑл виҫ-тӑватӑ утӑм та тума ӗлкӗреймерӗ — турат ҫинчи Антун тӳрех ун ҫине сикрӗ, икӗ аллипе те такана мӑйракинчен ҫавӑрса тытрӗ.
Улӑхра // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Сехри хӑпнӑ ача, ҫари! ҫари! ҫухӑрса, йывӑҫ хыҫне пытанма тӑчӗ, анчах ӗлкӗреймерӗ.
Улӑхра // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Вӑл, ҫак пӑр сӑвая килсе ан ҫаптӑр тесе, пакурпа ун ҫулне айккинерех пӑрса яма тӑчӗ, анчах шутланӑ пек пулмарӗ: шӑнса ларнӑ ҫӑпати пӑрлӑ хӑма ҫинче шуса кайрӗ те, карлӑкран та, сӑвай юпинчен те тытса ӗлкӗреймерӗ — ури-аллисене чармакласа, Палас тӗпне чӑмрӗ…
Энтрей мыскарисем // Геннадий Пласкин. Пласкин Г. А. Ҫавраҫил: Роман. — Шупашкар: Чӑваш кӗнеке издательстви, 1993. — 288 с.
Анчах хурана хӑлӑпран ҫаклатма ӗлкӗреймерӗ, ҫав вӑхӑтра Ахтупай ун-кун пӑхкаларӗ те ал айӗнче ним ҫукран вӑрӑм тенкел ҫинче выртакан кӗслене ярса илчӗ, ӑна ик кӗтессинчен тытса, пӑр таткине пенӗ пек, игумена пӗтӗм вӑйпа пуҫран шанлаттарчӗ.
4. Юнкӑ шывӗ — тӑрӑ шыв // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Анчах турхан хӑйӗн ҫыннисемпе, аллисене каялла туртса ҫыхнӑ казаксемпе тапранса тухма ӗлкӗреймерӗ — улӑхра каллех юлан утсем курӑнса кайрӗҫ.
12. Аслӑ чӳк // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Иливан тытса чарса та ӗлкӗреймерӗ, вӑл каччӑ кӑкӑрӗ ҫумне лӑпчӑнчӗ.
8. Иливанпа Сарье // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Анчах вӑл тухса кайма ӗлкӗреймерӗ, чатӑра патша стремяннойӗ хӑй чупса кӗчӗ.
14. Ҫӳллӗ иккен Хусан хӳмисем // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Тепер кунне Черемисиновӑн Посольски приказ ӗҫӗсемпе Воротынский патне кӗмеллеччӗ, анчах пӗр ӗҫе пула воевода ӑна йышӑнма ӗлкӗреймерӗ.
12. Икӗ хула // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Урасмет ӑна тепре туртса ҫапасшӑнччӗ, анчах ӗлкӗреймерӗ, кукленсе ларнӑ Ятламас хӑвӑрттӑн ҫӗкленчӗ те хакима янахран пырса тӑрӑнчӗ.
2. Хура юпа // Куҫма Турхан. Турхан К. С. Сӗве Атӑла юхса кӗрет: Истори романӗ. Иккӗмӗш кӗнеке. — Шупашкар: Чӑваш кӗнеке издательстви, 1994. — 559 с.
Лев Борисович нимӗн калама та ӗлкӗреймерӗ, пирен хыҫҫӑн ҫынсем кӗчӗҫ те, каллех: — Билет купили? — терӗ хура кайӑк ҫак ҫынсене те.
Чи хаклӑ парне // Герасим Харлампьев. Харлампьев, Г. Д. Утарта: пӗчӗк калавсем. — Шупашкар: Чӑвашгосиздат, 1964. — 84 с. — 79–82 с.
Анчах Палюк мучи ӑна тытма ӗлкӗреймерӗ, Твикка аш кукли таткине ун аллинчен кап! хыпса туртса илчӗ те ҫиме яланхи пек карта юпи ҫине лармарӗ, тӳрех юман ҫине, хӑйсен йӑви патне вӗҫсе кайрӗ.
Твиккапа Квикка чапа тухрӗҫ // Герасим Харлампьев. Харлампьев, Г. Д. Утарта: пӗчӗк калавсем. — Шупашкар: Чӑвашгосиздат, 1964. — 84 с. — 67–74 с.