Новые

Этем ҫут тӗнчери куҫа курӑнакан пин-пин пулӑма, саккуна кӑна мар, куҫа курӑнманнисене те (калӑпӑр, радио хумӗсем, магнит вырӑнӗсемпе электромагнит хумӗсем, ультрафиолетовӑй пайӑркасем тата ытти те) тӗпчесе тупрӗ.
Помоги переводом

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Анчах этем хӑйӗн телейӗшӗн хӑйӗнех кӗрешмелле, ман ҫине кӑна шанмалла мар: ачаранах вӗренмелле, ӗҫлемелле, Ҫӗре тата ун таврашне пӑсмасӑр, таса тытмалла, унпа тӗллевлӗ, перекетлӗ усӑ курмалла; чӗрӗ ҫутҫанталӑкри эпӗ хывнӑ саккунсене3 тӗпчесе тупса, вӗсемпе килӗшӳллӗн, виҫепе чикӗрен тухмасӑр хӑйӗн пурнӑҫне ӑнтармалла, пуянлатмалла, илемлетмелле.
Помоги переводом

Эпӗ ҫӗр ҫинчи кашни этеме ҫемье ҫавӑрма, йӑх тӑсма, чун та чӗм пурӑнма пӗртен-пӗр чун савни пӳретӗп, анчах хӗрпе качча пӗр-пӗрин патнелле хывӑннӑ ҫултан час-часах аслӑ шуйттан — Сатана Дьявол — пӑрса, аташтарса ярать.
Помоги переводом

Калӑпӑр, кӗпе-тумтир ҫӗлеме е вӑлтапа пулӑ тытма пӗртте сӑрт-ту хушшинче шанкав чул кӑларакан вӑйӗ-халӗ кирлӗ мар.
Помоги переводом

Пурте пӗр вӑй-халлӑ, пӗр сӑн-питлӗ пулни те ытлашши.
Помоги переводом

Ҫапла, кӑткӑс машинӑсем тӑвакансем кирлӗ, анчах ҫӳп-ҫапа тасатакансемсӗр пурӑнма та май ҫук-ҫке-ха.
Помоги переводом

Калӑпӑр, ӑс-тӑн, туйӑм енчен пурне те пӗр шайлӑн, пӗр виҫеллӗн тусан, пурте пӗр ӗҫе ҫеҫ пӗлнӗ, пӗр ӗҫе ҫеҫ юратнӑ, пӗр ӗҫе ҫеҫ тунӑ пулӗччӗҫ, ҫавна пула ҫынсем хӑйсен пӗрлехи пурнӑҫне йӗркелесе, аталантарса яраймӗччӗҫ.
Помоги переводом

Этеммисене те ҫаплах тӑвас терӗм.
Помоги переводом

Пӗр енчен, ҫӗр ҫинчи терт-нушашӑн, танмарлӑхшӑн эпӗ хушман ӗҫсене туса, хӑйсен чӑрсӑр ирӗкне ман саккунсемпе чикӗлемесӗр ҫылӑха кӗнӗ пӗрремӗш мӑнкӑмӑллӑ ҫынсем — Адампа Ева — та айӑплӑ, тепӗр енчен, ҫӗр ҫинчи пурнӑҫ (вӑл ман сӑмахӑмпа ҫуралнӑскер, ман вӑйпа (энергипе), эп хывнӑ ҫирӗп йӗркесемпе тата саккунсемпе ҫеҫ аталанса пырать) тӗрлӗ енлӗ пултӑр тесе эпӗ йывӑҫне-курӑкне те, выльӑхне-чӗрлӗхне те, кайӑкне-кӗшӗкне те, ытти чӗрӗ чунсене те юри тӗрлӗ турӑм.
Помоги переводом

Эсӗ: «Турра чунтан-вартан ӗненекенсен те ҫӗр ҫинчи телейӗ расна: пӗрисен ӑс-тӑнӗ алтӑрпа ӑсмалӑх, теприсен — чей кашӑкӗ ҫинчен ҫулласа илмелӗх е унран та катӑкрах, ҫавна пулах лешсем пурнӑҫа шур ҫӑкӑрпа хура вӑлча ҫисе, тӳрӗ пилӗккӗн пурӑнса ирттереҫҫӗ, кусем вара хура ӗҫре вӗри тар тӑкса тупнӑ хура ҫӑкӑрпа тӑварсӑр пуҫне нимех те ас тивсе кураймаҫҫӗ; пӗрисем юман пек ҫирӗп, кӗрнеклӗ, вӑйлӑ, теприсем йыт ҫӗмӗрчӗ пек имшер, ҫемҫешке, халсӑр, чирлӗ; пӗрисем хӑтлӑ сӑн-питлӗ, теприсем — чӑлах, илемсӗр, асси; пӗрисем хӗрӳ, таса юратуллӑ, ача-пӑчаллӑ, теприсем — юратусӑр типнӗ хӑрӑк турат… Апла пулсан, пӗрисемшӗн ҫӑтмах ҫӗр ҫинче те, леш тӗнчере те, теприсемшӗн — леш тӗнчере ҫеҫ. Ку питӗ пысӑк танмарлӑх вӗт-ха», — терӗн.
Помоги переводом

Вилнисем те (ҫӗр ҫинче тӗрӗс пурӑннисем; ҫылӑхлисем те, кайран ӳксе каҫару ыйтнисем), чӗрӗлсе, ҫак пурнӑҫа таврӑнӗҫ.
Помоги переводом

Ҫакӑн хыҫҫӑн тин пӗтӗм Ҫӗр ҫинче те ман саккунсемпе йӗркеленнӗ тӗрӗс, чир-чӗрсӗр, ватлӑхсӑр, вилӗмсӗр, ҫитменлӗхсӗр, кӗвӗҫӳсӗр, хирӗҫтӑрусӑр пурнӑҫ — чӑн-чӑн телейлӗ пурнӑҫ — пуҫланӗ.
Помоги переводом

Никам та хӑйӗн Ҫӗр ҫинчи ӗҫӗ-хӗлӗшӗн явап тытмасӑр юлаймӗ.
Помоги переводом

Ҫакӑн тата суд хыҫҫӑн ҫӗр ҫинче, хамӑн ывӑлӑм Христос ытарлӑ каланӑ пек, «пукрасем» (усаллисем) пӗтӗҫ, «тулӑх тырӑ тӗшшисем» (тӗрӗс пурӑнса ырӑ тунӑ, тӑвакансем), мана ӑша, чуна хывса, ман пурнӑҫпа пурӑнакансем ҫеҫ юлӗҫ.
Помоги переводом

Ывӑлӑм Христос ҫӗр ҫине иккӗмӗш хут аниччен Шуйттан чурисем тата ҫылӑхлисем ҫине пӗлӗтрен вут тата кӳкӗрт ҫутарттарӑп.
Помоги переводом

Тамӑка пӗтерӗп.
Помоги переводом

Шуйттана та ҫӗр ҫинче ӗмӗр-ӗмӗр алхасса, ҫынсене мана хирӗҫле ӗҫсем тума хӗтӗртсе, усаллантарса, нушалантарса пурӑнма памӑп.
Помоги переводом

Анчах эпӗ мана чун-чӗререн ӗненекенсене, йӑлӑнса пулӑшу ыйтакансене, кирек мӗнле ӗҫе те мана асӑнса пуҫӑнакана, апата мана пуҫҫапса ларакана, вырӑн ҫине ман ятпа выртакана, савӑнӑҫра та, хурлӑхра та мана ӑшра тытса усракана ҫеҫ пулӑшатӑп.
Помоги переводом

Ҫапла, шуйттан серепине, нушана лекнисенчен хӑшӗ-пӗри кайран манран пулӑшу ыйтать.
Помоги переводом

Этем пӗр сӑлтавсӑрах хавшакланать, чирлет е хӗн курсах пурӑнать пулсан, пӗлӗр: ун юнне, вӑй-халне, ҫынсем калашле, энергетикине пӗр-пӗр шуйттан (вампир, хура ангел…) ӗмсе пурӑнать.
Помоги переводом

Страницы:

Корпус чувашского языка

Новые

Сайт:

Статистика