Двуязычный корпус чувашского языка

Текст: Ҫыравҫӑна

Автор: Лидия Филиппова

Источник: https://chuvash.org/lib/haylav/7347.html

Добавлен: 2019.04.09 19:32

Предложений: 35; Слово: 141

Тип текста: Стихотворное произведение

По-русски Тема: Культура

Эсӗ — ҫыравҫӑ… Поэт та теҫҫӗ… Литератор… Сӑвӑҫ…

Пӗлесшӗн пурте – епле хавал хистет ҫынна сӑвӑ ҫырма?..

Ӑҫтан тата мӗнле тапса тӑрать сӑвӑҫ тенин ҫӑлкуҫӗ?

Мӗн кансӗрлет ӑна, апӑршана, теприн пек лӑпкӑн пурӑнма?

Эсӗ — ҫыравҫӑ… Поэт та теҫҫӗ… Литератор… Сӑвӑҫ…

Музӑсене илес пулсан та… Хӑшне-ши парӑннӑ чуну?..

Лирикӑпа поэзи, тетӗн? — Эппин, Евтерпа хӳтӗлет сана…

Ҫӗр ҫывратмасӑр, пӗр шелсӗррӗн ӗҫлеттерет чун-чӗрӳне…

Тен, Каллиопа, Эпика пикийӗ? Тен, Полигимни
Янраттарать, ҫавӑрттарать, Гимн евӗр, шалти мӗнпур вӑйна?

Темле пулсан та — тӑхӑр Музӑран, пӗртте пуҫа ватмасӑр,
Эратӑна суйланӑ пулӗччӗ, ирӗк парсан, Поэт тени.

Эсӗ — ҫыравҫӑ… Поэт та теҫҫӗ… Литератор… Сӑвӑҫ…

Суйланӑ Туррӑмӑр — сана… Ҫынсен чунне шала кӗрсе
Ырӑпала Усал кӗрешӗвне эс майлаштарӑн.
Сӑмахупа,
Мехел ҫитсен, паллах, ҫумри мӗнпур йӑх-ях сӗмне аркатӑн.

Эпир — ҫыравҫӑсем… Поэт та теҫҫӗ… Литератор… Сӑвӑҫ…

Пирте — Поэзин вӑй-хӑвачӗ. Рифма… Ритм… Йӗркесемпе
Пегас пекех шухӑшлавпа ҫӳлтен-ҫӳле вӗҫсе, тӗллев лартса,
Ҫунатпӑр чӗрепе…
Хӑшӗ-пӗри ӑнланмасан та… Муза пирӗнпе!

Сайт:

 

Статистика

...подробней